السلام عليكم ورحمه الله وبركاته


الزيتون الاسود


لذيذ فى الافطارمع الجبن الابيض
مع الفطائر
فى تزيين البيتزا


ازاى نعمله فى البيت
سهل جدا
نشوف ازاى




المكونات
زيتون عزيزى او تفاحى يكون لونه غامق
يعنى الثمار يكون لونها مائل للبنفسجى اكتر وده بيكون فى اخر موسم الزيتون
ملح - خل - ورق لاورو - زيت


الطريقه
نغسل الزيتون من الاتربه جيدا
بالشوكه بنخرم الثمار من جنب واحد ونضع عليه حوالى 3 ملاعق ملح طعام ونقلبه جيدا ونتركه حوالى 4 ساعات
دى خطوة مهمه جدا
بتنزل سوائل كتير غامقه من الزيتون
نشطف الزيتون من الملح


فى اناء كبير بنغلى ماء مضاف له ملعقتين طعام ملح
لما الماء يغلى
ننزل فيه الزيتون اللى ثقبناه دقيقه واحده وننشله من الماء
الخطوة دى مهمه جدا لتتدبيل قشرة الزيتون و تعقيمه
نكون مجهزين وعاء كبير فيه ماء
ننزل فيه الزيتون
نغير الماء كل عده ساعات للتخلص من مرارة الزيتون
لمده يومين هانلاحظ ان الزيتون بقى اسود او بنفسجى غااااامق وكله لون واحد !
ننشل الزيتون من الماء ونضعه فى مصفاه


نحضر سائل التمليح


ثلث كوب خل+لكل كوب ماء بنضع 3 ملاعق صغيرة ملح
نضع السائل فى برطمان التمليح ( مع تكرار كميه الماء والملح حسب حجم البرطمان)
نضع الزيتون فى البرطمان ومعه ورقه لاورو


ونتاكد ان سائل التمليح مغطى الزيتون بزياده 1 سم فوق الوجه
نضع 3 ملاعق طعام زيت على الوجه لعمل طبقه عازله على الوجه لمنع الهواء
نغطى البرطمان بغطاء محكم ونتركه لمده 3 اسابيع -شهر
بعدها يكون جاهز للاكل